Жалпы ереже:
- «Студенттердің 100 үздік идеясы» республикалық конкурсы Еліміздің Президенті Н.Ә. Назарбаевтың 2017 жылғы 12 сәуірдегі «Болашаққа бағдар: рухани жаңғыру» бағдарламалық мақаласының негізгі ережелерін жүзеге асыру жөніндегі жалпы республикалық «100 идея» жобасын іске асыру щеңберінде өткізіледі.
- Конкурс инновациялық қызметті белсендіруге, тәжірибелік мүдде мен қоғамдық маңыздылықты білдіретін инновациялық идеялар мен жобаларды анықтауға және енгізуге бағытталған.
- Конкурсты ұйымдастырушы: ҚР Білім және Ғылым Министрлігі, «Ел-шежіре» қоғамдық қоры.
- Осы Ереже Конкурсты ұйымдастыру, өткізу және қорытындылау қағидаттаттарын белгілейді.
Мақсаты: Үздік идеялар мен жастар бастамаларын жинақтау.
Міндеттері:
- «100 үздік идея» арнайы сайты мен әлеуметтік желілер арқылы барлық елден жастардың 100 үздік идеясы базасын жинақтау және құрастыру;
- «Рухани жаңғыру» бағдарламасын іске асыру жөніндегі ең жаңа келешек жобаларды белгілеу және оларды ұсыным ретінде қоғамдық қатынастар мен ішкі саясат мәселесіне жетекшілік ететін мемлекеттік және жергілікті атқару органдарына табыстау;
- Талантты жастарды іздеп табу, оларды алдағы уақытта «Рухани жаңғыру» қосымша бағдарламасын іске асыруға тарту, олардың әлеуетін ашуға жағдай жасау.
«СТУДЕНТТЕРДІҢ 100 ҮЗДІК ИДЕЯСЫ» РЕСПУБЛИКАЛЫҚ КОНКУРСЫНЫҢ 2018 ЖЫЛҒЫ ЖЕҢІМПАЗДАРЫ:
I-орын — Әл-Фараби атындағы ҚҰУ Филология және әлем тілдері факультетінің 2-курс студенттері Қаратаева Балжан Мұратқызы мен Емангалиева Камила Аскаровна «Alshy» — ұлттық брэнд» жобасы үшін, конкурс жүлдесі — ноутбук;
II-орын — Қазтұтынуодағы Қарағанды экономикалық университетінің
Экономика және басқару факультетінің 3-курс студенті Жолдыбай Алтынай
Ерболқызы «Digital University» жобасы үшін, конкурс жүлдесі — заманауи
планшет;
III-орын — Павлодар мемлекеттік педагогикалық университетінің Филология
және тарих факультетінің 3-курс студенті Оразбек Айгерім Тәнірбергенқызы
«Тіл туризмі» жобасы үшін, конкурс жүлдесі — ұялы телефон.